Kur ishin vetëm pak raste me Covid-19, presidenti Hashim Thaçi insistonte në shpalljen e gjendjes së jashtëzakonshme.

Por tani me 4,512 raste, ai nuk po përmend më këtë, shkruan portali arbresh.info.

Në një shkrim në faqen e tij në Facebook, Thaçi ka shprehur shqetësimin për gjendjen e krijuar, mirëpo vetëm ka kërkuar respektim rigoroz të masave të vendosura kundër koronavirusit.

Tutje ai ka falënderuar personelin shëndetësor që është në linjën e parë të luftës me Covid-19.

“Në javën e fundit kishim rritje të madhe të numrit të të prekurve me virusin COVID-19. Gjendja aktuale është tejet shqetësuese dhe kërkohet kujdes maksimal nga të gjithë.

“Ju bëj thirrje që t’i zbatoni në mënyrë rigoroze masat për parandalimin e përhapjes së virusit COVID-19 dhe t’i respektoni rekomandimet e institucioneve shëndetësore. Duke i zbatuar masat dhe rekomandimet e institucioneve shëndetësore secili qytetar ruan veten, të afërmit e tij dhe gjithë shoqërinë.

“Si president i vendit shpreh falënderim të madh për gjithë personelin shëndetësor, i cili po e jep maksimumin në këtë betejë të përditshme për ta shpëtuar çdo jetë njeriu. Po ashtu, u shpreh ngushëllime të sinqerta të gjitha familjeve që kanë humbur të afërmit e tyre nga ky virus vdekjeprurës”, shkruan ai./arbresh.info/